பாத்ரூம பார்த்தாரா ஆளுனர்???

ஆளுனரின் கடலூர் ஆய்வு. ஒரு நேரடி கள நிலவரம்.

-கல கல கற்பனைச் செய்தி!

( தமிழக ஆளுனர்   பன்வாரிலால் புரோகித் )

செய்தி வாசிப்பாளர் – ஆளுனர், கடலூரில் ஒரு கிராமத்தில், கீற்றில் அமைந்த ஒரு பாத்ரூமை ஆய்வு செய்தது பெரும் சர்ச்சையை ஏற்படுத்தியுள்ளது. இது குறித்து தற்போதுள்ள களநிலைமை குறித்து, களத்திலிருந்து நேரடி செய்திகளை தருகிறார் நமது செய்தியாளர் செந்தில்.

செ.வா – செந்தில் சொல்லுங்க. ஆளுனர் ஆய்வு செஞ்ச அந்த பாத்ரூமை பாத்திங்களா ? இப்போ அங்க நிலைமை எப்படி இருக்கு ?

செந்தில் – நிச்சயமாக பூங்குழலி. ஆளுனர் பாத்ரூமை ஆய்வு செஞ்ச தகவல் கிடைச்சதுமே களத்துக்கு முதல் முறையா வந்தது நமது தொலைக்காட்சிதான். இப்போ நம்ப கேமராமேன் காட்டுறாரே. அதுதான அந்த கீத்துல செஞ்ச பாத்ரூம். இந்த பாத்ரூமைத்தான் ஆளுனர் ஆய்வு செஞ்சிருக்கார்.

செ.வா – செந்தில். நீங்க இப்போ காட்டுற கீத்து பாத்ரூம்ல ஒரு ஓட்டை இருக்கு. அந்த ஓட்டையை ஆளுனர் போட்டாரா. அது தொடர்பா ஏதாவது செய்தி இருக்கா உங்ககிட்ட ?

செந்தில் – நிச்சயமா பூங்குழலி. நாம இது பத்தி இந்த இடத்துல விசாரிச்சப்போ, அந்த கீத்துல இருக்குற ஓட்டை ஆளுனர் போட்டதா இல்ல அவரு கூட வந்த பாதுகாப்பு அதிகாரிகள் போட்டதான்னு ஒரு குழப்பம் நிலவிக்கிட்டு இருக்கு. இது பத்தி அதிகாரிகள் இப்போ விசாரணை நடத்திக்கிட்டு இருக்காங்க.

செ.வா – செந்தில். ஆளுனரின் இந்த திடீர் பாத்ரூம் ஆய்வு தொடர்பா மக்கள் என்ன பேசிக்கிறாங்க. அங்க பெரும்பான்மையானாரோட கருத்தா என்ன இருக்கு ?

செந்தில் – நிச்சயமா பூங்குழலி. இந்த ஊரைச் சேர்ந்த 17 இளைஞர்களும், முதியோர் ஓய்வூதியம் வாங்கும் 8 பேரும், தாங்களும், தினமும் கீற்று பாத்ரூமில்தான் குளிப்பதாகவும், ஆளுனர் அவர்கள் குளிக்கும்போதும் வந்து பார்வையிட வேண்டும்னு கோரிக்கை வைச்சிருக்காங்க. மேலும் சென்னையில் இருக்கும் ஆளுனர், அங்கே இருக்கும் பாத்ரூம்களையெல்லாம் விட்டு விட்டு, கடலூரில் உள்ள ஒரு குக்கிராமத்தில் உள்ள பாத்ரூமை பார்வையிட வந்தது அவங்க ஊருக்கே பெருமைன்னும் சொல்றாங்க.

செ.வா – அந்த கோரிக்கை மேல ஆளுனர் தரப்பு என்ன நடவடிக்கை எடுக்கப் போகுது. அது குறித்து உங்ககிட்ட தகவல் இருக்கா ?

செந்தில் – நிச்சயமா பூங்குழலி. ஆளுனர் மாளிகை வட்டாரத் தகவல் என்ன சொல்லுதுன்னா, ஆளுனர் பாத்ரூம்களை ஆய்வு செய்யத் தொடங்கியது முதலே, தமிழகமெங்கும் தங்களின் பாத்ரூம்களை ஆய்வு செய்ய வேண்டுமென்று பலத்த கோரிக்கை எழுந்துள்ளது. ஆளுனர் அவர் ஒருவரே அனைத்து பாத்ரூம்களையும் பார்வையிடுதல் முடியாது என்பதால், தமிழக அமைச்சர்களை, தமிழகத்தின் பல்வேறு மாவட்ட பாத்ரூம்களை பார்வையிட அனுப்ப உள்ளார் என்று சொல்லப்படுகிறது.

செ.வா – ஆளுனரின் இந்த பாத்ரூம் ஆய்வை எதிர்க்கட்சிகள் கண்டிச்சிருக்கே. அது குறித்து ஆளுனர் மாளிகை வட்டாரத் தகவல் ஏதாவது இருக்கா.

செந்தில் – நிச்சயமா பூங்குழலி. ஆளுனர் செய்து வருவது கள ஆய்வு. ஒரு பாத்ரூம் சுத்தமாக இருக்கிறதா என்பதை, ஒருவர் குளிக்கும்போது செய்வதற்கு பெயர்தான் கள ஆய்வு. இது வரை இருந்த ஆளுனர்கள், காலியான பாத்ரூம்களைத்தான் பார்வையிட்டுள்ளனர். ஆனால் தற்போதைய ஆளுனர் அப்படியல்ல. அவர் லைவாக, கள ஆய்வு செய்யக் கூடியவர். அந்த விஷயத்தில் அவருக்கு உதவத்தான், மத்திய அரசுப் பணியில் இருந்த ஐஏஎஸ் அதிகாரி ராஜகோபாலை மத்திய அரசு ஆளுனர் செயலராக நியமித்துள்ளது என்று தெரிவிக்கின்றனர் பூங்குழலி.

செ.வா – செந்தில். நீங்க தொடர்ந்து இணைப்புலயே இருங்க. தொடர்ந்து அந்த கிராமத்தில் உள்ள மற்ற கீற்று பாத்ரூம்கள் குறித்த செய்திகளையும் உடனடியாக தெரிவியுங்கள்.

செய்திகளை நேரடியாக களத்திலிருந்து பார்த்தோம். இனி தமிழகத்தின் மற்ற பாத்ரூம்கள் குறித்து விரிவாக பார்க்கலாம்.

நன்றி: சவுக்கு சங்கர் செய்தித் தளம்.